Ha med naudsynt utstyr og bruk sunt fjellvett
Ta alltid med ryggsekk og det utstyret som fjellet krev - sjølv på korte turar. Turen kan ta lengre tid enn du trur fordi: Været skiftar, du har feilvurdert din eigen fysiske form, du kan bli utsett for eit mindre uhell, eller rett og slett fordi ulendt terreng kan vere vanskeleg å lese av kartet. |
 |
På turen bør du ha med deg kart (over rett område) og kompass, sjølv om du har tenkt å gå på merka stiar. Og du må kunne bruke det!
Har du GPS-navigator er denne med i tillegg, kun som ekstrautstyr.
|
|
Gode retningslinjer å følgje - sommar som vinter
I sekken skal det vere med gode vindtette og vasstette ytterklede, ekstra varme klede til å ha under, lue og vottar.
Ta med ekstra mat, og meir varm drikke enn du trenger.
Enkelt førstehjelpsutstyr bør også ligge i sekken.
|
|
Meld frå kvar du går!
Legg att beskjed der du overnattar om ruta du har tenkt å gå (også eventuelle avstikkarar).
Ein god regel: Lag ikkje ei avtale du ikkje kan halde! |
|
Vis respekt for høgfjellet!
Vær klar over at turane i Jotunheimen går i høgfjellsnatur, og at både naturen og klimaet krev at du er godt førebudd.
|
|
|
Sjekk dagens vær og vindvarsel før du går.
Jotunheimen ligg på grensa mellom kystklima og innlandsklima.
Kombinert med dei høge fjella kan dette gje svært raske vêromslag.
I Jotunheimen kan du oppleve snø og sterk vind også om sommaren!
|
|
Når du ferdast i utmark i Noreg er det du sjølv som har ansvar for å finne fram dit du skal, og for å ta vare på di eiga tryggleik.
|
|
|
