|
fredag 22. desember 2006 15:01 |
 |
| |
| Planter i Jotunheimen og Utladalen |
|
Jotunheimen har fleire norske høgderekordar for fjellplanter. Aller høgst går Issoleia, som på Glittertind veks opp til 2370 m.o.h., medan raudsildre og rosenrot er funne opp til om lag 2300 m.o.h. På kalkrik grunn kan ein finne den vakre reinrosa.
Som ein kontrast til plantelivet i høgfjellområda, er den nedre delen av Utladalen som går ned til 30 m.o.h. Fleire skogblomar finn også si høgste utbreiing her. Blant låglands-artane finst ma liljekonvall, jordbær, tysbast og krattfiol.
Den einaste skogen i nasjonalparken veks langs Gjende. Bjørkeskogen der veks heilt opp til 1200 moh. I Utladalen kan edellauvskog opplevast, med varmekjære treslag som lind, alm og hassel . Furuskogen på Vettismorki har vore omtala som den «gildaste» fjellfuruskogen i landet.
|
Issoleie -
Ranunculus glacialis |
Raudsildre -
Saxifraga oppositifolia |
Rosenrot -
Rhodiola rosea |
Reinrose -
Dryas octopetala |
Liljekonvall -
Convallaria majalis |
Markjordbær -
Fragaria vesca
|
Tysbast -
Daphne merzereum |
Krattfiol -
Viola mirabilis |
| Dyreliv i Jotunheimen og Utladalen |
| Alle dei fire store hjortedyra elg, hjort, rein (villrein i vest og tamrein i aust) og rådyr lever i området. Jotunheimen er eit viktig område for kongeørn og jaktfalk, og rovfuglar som fjellvåk, tårnfalk og ugler kan enkelte år vere talrike. Det er registrert om lag 75 hekkande fugleartar i nasjonalparken.
Delar av Jotunheimen har framleis stor verdi som beiteområde både for tamrein og husdyr.
|
|
